გურიაში 79 წლის პირის მკვლელობისა და ქურდობის ბრალდებით ერთი პირი დააკავეს.

შინაგან საქმეთა სამინისტროს ინფორმაციით, ბრალდებულმა ოზურგეთის სოფელ მელექედურში, ი.ხ. საცხოვრებელ სახლში გაგუდა, ხოლო ეზოდან მოიპარა ავტომობილი და მიმალვა სცადა. უწყების ცნობით, სამართალდამცველებმა გატაცებულ ავტომობილს სოფელ თხინვალში მიაკვლიეს. ამავე სოფელში დააკავეს ბრალდებული.

საქმეზე გამოძიება საქართველოს სისხლის სამართლის კოდექსის, 108-ე და 177-ე მუხლებით მიმდინარეობს, რაც განზრახ მკვლელობასა და ქურდობას გულისხმობს. დანაშაული 7-დან 15 წლამდე თავისუფლების აღკვეთას ითვალისწინებს.