მმართველი გუნდის წევრი, გია ვოლსკი კრწანისის ბაზაზე გიგა შენგელიას მოკვლის ფაქტს აფასებს და ამბობს, რომ საქმესთან კავშირის არმქონე პირებმა მომხდარის შეფასებისგან თავი უნდა შეიკავონ:

"უბედურება მოხდა, ახალგაზრდა კაცი დაიღუპა. მისთვისაც უბედურებაა, ოჯახისთვისაც უბედურებაა და იმ ადამიანისთვისაც, ვინც იძულებული გახდა, რომ ესროლა. სამწუხარო ფაქტია და გამოძიება, რასაკვირველია, საჭიროა, რომ დროულად ჩატარდეს და ობიექტურად. რაც უფრო ნაკლებად ისაუბრებენ და შეაფასებენ ამ ქმედებებს ამ საქმესთან არმყოფი ადამიანები, მათ შორის პოლიტიკოსები, იქნება უკეთესი".

23 ოქტომბერს წვრთნებისა და სამხედრო განათლების მხარდამჭერ ცენტრ კრწანისში უცხო პირები შეიჭრნენ. სამინისტროს განცხადებით, შეჭრის შემდეგ მიმდებარე ტერიტორიაზე ერთ-ერთი თავდამსხმელის გვამი აღმოაჩინეს. სწორედ აღნიშული პირია გიგა შენგელია. მისი ძმის, გიორგი შენგელიას ადგილმდებარეობა, რომელიც, სავარაუდოდ, ძმასთან ერთად იმყოფებოდა, ამ დროისთვის უცნობია.