პრემიერ-მინისტრ გიორგი გახარიას აზრით, ქვეყანამ ევროსაბჭოს თავმჯდომარეობა უნდა გამოიყენოს იმისთვის, რომ ევროპელ პარტნიორებს ქვეყნის დემოკრატიული მიღწევები დაანახოს. ამის შესახებ მან დღეს, 30 დეკემბერს, მთავრობის სხდომის დაწყებისას განაცხადა.

"წელს ჩვენ გავხდით ევროპის საბჭოს თავმჯდომარე ქვეყანა. ჩვენ ერთმნიშვნელოვნად სრულად უნდა გამოვიყენოთ ეს შესაძლებლობა იმისთვის, რომ ჩვენს ევროპელ პარტნიორებს, ჩვენ მეგობრებს, ჩვენს კოლეგებს გავაცნოთ დემოკრატიის ის მიღწევები, რომელიც გვაქვს ქვეყანაში, ის გამოწვევები, რომელიც გვაქვს. დავანახოთ ყოველდღიური პროგრესი, რომელსაც აღწევს საქართველოს მოქალაქე და ქართული საზოგადოება",— განაცხადა გიორგი გახარიამ.