ლონდონში აუქციონზე დაჟანგული რკინის გასაღები $104 ათასად გაიყიდა. ეს გასაღები სიდნი სედუნარს ეკუთვნოდა, რომელიც გემის სტიუარდი იყო.

ტიტანიკის ჩაძირვის დროს ის 23 წლის იყო.

გასაღებზე მიმაგრებულია ნიშანი, რომელზეც დატანილია წარწერა „Locker 14 F Deck“. მას შემდეგ, რაც სიდნის ცხედარი აღმოაჩინეს, ეს გასაღები მის ორსულ ქვრივს გაუგზავნეს.

ტიტანიკიდან შემორჩენილი ნივთები წლიდან წლამდე დიდი წარმატებით იყიდება. 2013 წელს, ვიოლინო, რომლითაც ტიტანიკის მუსიკოსები უკრავდნენ, ერთ მილიონ დოლარად გაიყიდა.

ტიტანიკი 1912 წლის 14 აპრილს აისბერგთან შეჯახების შედეგად ჩაიძირა, რა დროსაც 1 500 ადამიანი დაიღუპა.