კათალიკოს-პატრიარქი ილია II მოსკოვში, რუსეთის პატრიარქის, კირილე I-ის 70 წლის იუბილეზეა მიწვეული. ინფორმაცია On.ge-ს პატრიარქის მდივანმა მიქაელ ბოტკოველმა დაუდასტურა.

ბოტკოველის თქმით, ჯერ გადაწყვეტილი არაა, გაემგზავრება თუ არა ილია II რუსეთის პატრიარქის იუბილეზე:

"სხვა ეკლესიის მეთაურებიც არიან მიწვეულნი და არა მხოლოდ საქართველოს პატრიარქი".

მიქაელ ბოტკოველის ინფორმაციით, კირილე I-ის იუბილე, სავარაუდოდ, 20 ნოემბერს გაიმართება.