U2-ს, Maroon 5-სა და მაილი საირუსის შემდეგ, ამერიკელმა კომიკოსმა ჯიმი ფელონმა ნიუ-იორკელები ალანის მორისეტთან ერთად გააოცა.

ის ლეგენდარულ მუსიკოსთან და მომღერალთან ერთად ქუჩის მუსიკოსივით გადაცმული გამოჩნდა. სათვალეებით, პარიკებითა და წვერით შენიღბულმა ცნობილმა სახეებმა შესრულება პოპულარული საშობაო სიმღერით, The Little Drummer Boy-ით დაიწყეს.

მხოლოდ მას შემდეგ, რაც მათ გარშემო აღტაცებული გამვლელები შეიკრიბნენ, ჯიმი ფელონმა და ალანის მორისეტმა პარიკები მოიხსნეს და მომღერალმა მისი კლასიკა, You Oughta Know შეასრულა.

ბედნიერი გამვლელების სახეებისა და იმ მოქალაქეების დანახვა, რომლებიც მათკენ გარბიან, დღეს ნამდვილად გაგილამაზებთ.