ტელეკომპანია ფორმულას დაკვეთით ჩატარებული Edison Research-ის კვლევის მიხედვით, მოსახლეობის 77 პროცენტი ფიქრობს, რომ ქვეყანა არასწორი მიმართულებით ვითარდება, 23 პროცენტს კი მიაჩნია, რომ პირიქით.

ფოტო: Edison research კვლევა

კვლევით ირკვევა, რომ ბოლო 12 თვის განმავლობაში, მოსახლეობის მხოლოდ 13 პროცენტის აზრით შეიცვალა ცხოვრება უკეთესობისკენ. თითქმის თანაბარია იმ ადამიანების რაოდენობა, ვინც ფიქრობს, რომ მისი ცხოვრება უარესობისკენ შეიცვალა ან თითქმის იგივეა. ( 43% — უარესობისკენ, 44% — თითქმის იგივე)

ფოტო: Edison Research კვლევა

აღნიშნული კვლევა მას შემდეგ ჩატარდა, რაც მმართველმა პარტიამ ბიძინა ივანიშვილის დანაპირები არ შეასრულა და 2020 წლის არჩევნებისთვის სრულად პროპორციულ სისტემაზე გადასვლას მხარი არ დაუჭირა.

კვლევა ფორმულას დაკვეთით Edison Research-მა 12 ნოემბრიდან 23 ნოემბრის ჩათვლით ჩაატარა. საქართველოს მასშტაბით საარჩევნო ხმის მქონე 2000 რესპონდენტი პირისპირ ინტერვიუს გზით გამოკითხა, კვლევის ცდომილება კი 2,2 პროცენტია.