"ჩვენთვის ძალიან სამწუხაროა, რომ პრემიერი ვერ აცნობიერებს იმ საფრთხეს, რაც ასეთ უმრავლესობებს მოჰყვება ხოლმე", - თავისუფალი დემოკრატების წევრი, ნინო გოგუაძე მმართველი ძალის მიერ საკონსტიტუციო უმრავლესობის სავარაუდო მოპოვებასა და პრემიერის დღევანდელ ინიციატივას აფასებს:

"მოვალენი ვართ, რომ ამაზე ვისაუბროთ, მაგრამ მოწოდებას არ ვაკეთებთ სწორედ იმიტომ, რომ პატივს ვცემთ თითოეულ მოქალაქეს და თითოეულმა მოქალაქემ თავისი სინდისით უნდა გააკეთოს არჩევანი და აიღოს პასუხისმგებლობა ქვეყანაზე".

საკითხს აფასებს ახალი მემარჯვენეების ლიდერი, მამუკა კაციტაძეც და ამბობს, რომ

"უკონტროლო ძალაუფლება ყოველთვის დგება იმ გზაზე, რა გზაზეც ახლა ქართული ოცნება დადგა. ასეთი შეფასებები ხელისუფლების მხრიდან ბუნებრივია. კრიტიკა ყველასა და ყველაფრს მიმართ, იქნება ეს პოლიტიკური ოპოზიცია, არასამთავრობო სექტორი თუ ვინმე საერთოდ, რადგან მატ უნდა დააჯერონ მოსახლეობას, რომ განუმეორებლად კარგები იქნებიან. მაგრამ მარტივი რამ არის, ეკუთვნის პოლიტიკურ ძალას საკონსტიტუციო უმრავლესობა, რომელსაც ამომრჩეველმა 38 პროცენტიანი რეიტინგი დაუდგინა, როგორც დიაგნოზი".