ინგლისელმა მსახიობმა, რუპერტ გრინტმა, რომელიც ჰარი პოტერის საკულტო ფილმების სერიაში ერთ-ერთი მთავარი გმირის, რონ უიზლის როლს ასრულებს, ცოტა ხნის წინ მიცემულ ერთ-ერთ ინტერვიუში განაცხადა, რომ ჰარი პოტერის ასევე ცნობილ მსახიობებს, ემა უოტსონსა და ტომ ფელტონს შორის "რაღაც რომანტიკული ხდებოდა."

"მათ შორის ყოველთვის იყო რაღაც, ემოციური ნაპერწკლის მსგავსი," - აცხადებს რუპერტ გრინტი.

რონ უიზლის როლის შემსრულებელი, რომელიც ფილმში ემა უოტსონის გმირის, ჰერმიონ გრეინჯერის საუკეთესო მეგობარი და შემდეგ უკვე დიდი სიყვარულია, ამბობს, რომ ამ განცხადებით ჭორების გავრცელებისთვის ხელის შეწყობა არ უნდა:

"ჩვენ მაშინ ბავშვები ვიყავით და ეს ყველაფერი სათამაშო მოედანზე გაჩაღებულ რომანს ჰგავდა. თუმცა ჩემს შემთხვევაში ასეთი რამ არ მომხდარა, მაშინ ყოველთვის მსგავსი ემოციებისგან თავისუფალი ვიყავი."

რუპერტ გრინტმა ჰარი პოტერის სერიის ფილმების გაგრძელების ალბათობაზეც ისაუბრა:

"ეს ჩვენი ცხოვრების გასაოცარი პერიოდი იყო, მაგრამ არა მგონია, რომელიმე ჩვენგანი მზად იყოს, რომ კვლავ ამ სამყაროს დაუბრუნდეს. თუმცა ვინ იცის, არასოდეს თქვა არასოდეს."