ნაციონალური მოძრაობის წევრმა, ირაკლი ნადირაძემ სასამართლო უწყებას სამარცხვინო უწოდა, რის შემდეგაც ის სხდომათა დარბაზიდან გააძევეს. ამის შესახებ მან თბილისის საქალაქო სასამართლოში განაცხადა, სადაც 18 ნოემბერს დაკავებული 37 პირის საქმის განხილვა მიმდინარეობს.

მისი თქმით, ეს არ არის რომელიმე პოლიტიკური პარტიის ან ლიდერის ბრძოლა.

"ეს არის სახალხო ბრძოლა, რომელიც ახალგაზრდებმა თვალების დაკარგვის, ჯანმრთელობის ფასად დაიწყეს და მოიპოვეს პროპორციული არჩევნების ჩატარების უფლება", — განაცხადა ირაკლი ნადირაძემ.

ის აცხადებს, რომ ბრძოლა გრძელდება და აუცილებლად გამარჯვებით დასრულდება.

სხდომა გუშინ, 19 ნოემბერს მიმდინარეობდა, თუმცა, გადაიდო. ყველა დაკავებულის საქმე ერთ მოსამართლე ვალერიან ფილიაშვილს აქვს ჩაბარებული. მან დღეს მხოლოდ 20-ის დაკავებულის საქმის ნაწილობრივ განხილვა შეძლო. ჯერ უცნობია, დააკისრებს თუ არა ის რომელიმე მათგანს ჯარიმას, თუ დატოვებს პატიმრობაში.