ლეიბორისტული პარტიის ლიდერი, შალვა ნათელაშვილი ამბობს, რომ ამაყია, რადგან არის აქციის მონაწილეების ნაწილი. ასე მიმართა მან პარლამენტის წინ შეკრებილ რამდენიმე ათას ადამიანს.

"ივანიშვილს მივმართავ იმიტომ, რომ ყოველგვარი ხელისუფლება არის გადამიდგები ივანიშვილი. დაიწყე ბარგის ჩალაგება და დაა...იე აქედან... გრძელდება აქცია, ჩვენ აქედან მხოლოდ გამარჯვებულები წავალთ..." — ამბობს ნათელაშვილი.

ლეიბორისტული პარტია იმ 10-ზე მეტი პარტიიდან, რომელიც საერთო მიზნით, რიგგარეშე პროპორციული წესით ჩასატარებელი არჩევნების მოთხოვნამ გააერთიანა.

დღეს, 14 ნოემბერს ბიძინა ივანიშვილის დაპირება არ შესრულდა. ქართულმა ოცნებამ მხარი არ დაუჭირა კანონპროექტს, რომლითაც ქვეყანაში 2020 წლის არჩევნები სრულად პროპორციული სისტემით უნდა ჩატარებულიყო. კანონპროექტის ჩაგდების შემდეგ გადაიკეტა რუსთაველის გამზირი და დაიგეგმა აქცია პარლამენტის წინ.