მისურის შტატის ნაფიცმა მსაჯულებმა კომპანია ჯონსონ ენდ ჯონსონს $72 მილიონის გადახდა დააკისრეს იმ ოჯახისთვის, რომლის წევრიც ამ კომპანიის პროდუქციის გამოყენების გამო გარდაიცვალა.

როიტერის მიხედვით, ალაბამაში მცხოვრებ ქალს საკვერცხის კიბოს დიაგნოზი 3 წლის წინ დაუსვეს და ის 2015 წლის ოქტომბერში გარდაიცვალა. იგი 35 წლის განმავლობაში აქტიურად იყენებდა ჯონსონ ენდ ჯონსონის პუდრას. მისი სიმსივნის გამომწვევ მიზეზად ბავშვების მოვლის პოპულარული საშუალება დასახელდა.

ნაფიცი მსაჯულების გადაწყვეტილებით, ჯონსონ ენდ ჯონსონი პასუხისმგებელია თაღლითობაზე, გულგრილობასა და დანაშაულებრივ შეთქმულებაზე, რადგან მათ არ გააფრთხილეს მომხმარებელი, რომ მათ პუდრაში შემავალი ნივთიერებები კიბოს იწვევდა.

ამ დროისთვის, ჯონსონ ენდ ჯონსონის წინააღმდეგ სასამართლოში მისურის შტატიდან 1000, ხოლო ნიუ-ჯერსიდან - 200 სარჩელია შეტანილი.