სულ ცოტა ხნის წინ თიბისის მობაილბანკი სამომხმარებლო ციფრულ ბანკებს შორის მსოფლიოში საუკეთესოდ დასახელდა. ამის ფონზე, ალბათ გაინტერესდეთ, თუ რა გამოარჩევს თიბისის მობაილბანკს სხვებისგან.

გთავაზობთ თიბისის მობაილბანკის 5 ყველაზე პოპულარულ ფუნქციას, რომელიც თქვენს ყოველდღიურ ცხოვრებას ერთიორად მარტივს ხდის.

1. ხმოვანი ასისტენტი

თიბისიმ ბაზარზე პირველი ქართულენოვანი ხმოვანი ასისტენტი შემოგვთავაზა, რომელიც მობაილბანკშია ჩაშენებული. ეს ინოვაციური ფუნქცია თანხის გადარიცხვის პროცესს ძალიან ამარტივებს და ის ერთ მარტივ წინადადებამდე დაჰყავს. ასისტენტის საშუალებით თქვენს შაბლონებთან თანხას სულ რამდენიმე წამში გადარიცხავთ.

2. თანხის გადარიცხვა მობილურის ნომრით

თიბისის მობაილბანკის ერთ-ერთი გამორჩეული ფუნქცია მობილურის ნომრით თანხის გადარიცხვაა. უკვე რამდენიმე წელია, რაც სხვასთან თანხის გადასარიცხად საბანკო ანგარიშის ნომრის ცოდნა საჭირო აღარ არის. ამისთვის თქვენი მეგობრის მობილურის ნომრის ცოდნაც საკმარისია.

3. სმს კოდის გარეშე თანხის გადარიცხვა

მობაილბანკის ერთ-ერთი ყველაზე ახალი ფუნქცია სმს კოდის გარეშე თანხის გადარიცხვაა. ახლა უკვე შეგიძლიათ, რომ სანდო მოწყობილობებიდან თქვენს შაბლონებთან გადარიცხვები სმს კოდის შეყვანის გარეშე განახორციელოთ, რაც პროცესს უფრო მარტივსა და კომფორტულს ხდის.

ამ ფუნქციის გააქტიურებისთვის მობაილბანკის პარამეტრებში უნდა შეხვიდეთ და სანდო მოწყობილობები აირჩიოთ.

4. ავტომატური გადარიცხვა

ყოველთვიურად კომუნალური გადასახადების გადახდა არავის ეხალისება. თუმცა, თუ თიბისის მობაილბანკს იყენებთ, ამ პრობლემას უმარტივესად გადაჭრით. აპლიკაციის ერთ-ერთი ყველაზე გამორჩეული ფუნქცია ავტომატური გადარიცხვაა, რაც ყოველთვიურ მოსაწყენ რუტინას თავიდან აგარიდებთ. კომუნალური დავალიანებების ასახვის შემდეგ ფუნქცია თანხას ავტომატურად გადარიცხავს.

5. ბარათის დაბლოკვა/განბლოკვა

მობაილბანკში თქვენს უსაფრთხოებაზე განსაკუთრებული აქცენტია გაკეთებული. ბარათის დაკარგვის შემთხვევაში ნებისმიერ დროს სულ რამდენიმე წამში მობაილბანკიდან მისი დაბლოკვა შეგიძლიათ, ამისთვის არც ქოლცენტრში დარეკვა დაგჭირდებათ და არც ფილიალში მისვლა.