ლეგენდარული ფრანგი მსახიობის იზაბელ იუპერის პატივსაცემად ამერიკის კინო ინსტიტუტი 13 ნოემბერს სპეციალურ საღამოს გამართავს, რომელზეც მსახიობის კარიერას მიმოიხილავენ და სპეციალურ ჯილდოს გადასცემენ კინემატოგრაფში შეტანილი განსაკუთრებული წვლილისათვის.

"იზაბელი იუპერი შედევრია, მისი სამსახიობო ოსტატობა ყოველთვის აოცებდა კინოს მოყვარულებს, ეს ყველაფერი კი განსაკუთრებით მის ბოლო ფილმში ELLE გამომჟღავნდა. ვფიქრობ, იზაბელი იმ იშვიათ მსახიობთაგანია, რომლის კარიერაც სამაგალითო უნდა გახდეს, სამაგალითო უნდა გახდეს მისი ოსტატობაც", ამბობს ჟაკლინ ლიანგა, ამერიკის კინო ინსტიტუტის ფესტივალის დირექტორი.

იზაბელ იუპერი არის ერთადერთი მსახიობი, რომელიც 15-ჯერ იყო ნომინირებული ფრანგული კინოპრემია სეზარზე. ასევე არის იმ ოთხ მსახიობს შორის, რომელსაც კანის კინოფესტივალზე ორჯერ გადასცეს ოქროს პალმის რტო საუკეთესო მსახიობის ნომინაციაში.

მისი ბოლო ფილმი ELLE წელს საფრანგეთის სახელით ოსკარზეა გაგზავნილი, ბევრი კრიტიკოსის აზრით კი იზაბელი წელს ოსკარის ყველაზე ღირსეული კანდიდატია.