BBC-ის ინფორმაციით, თურქეთის პრეზიდენტმა რეჯეპ ტაიპ ერდოღანმა ევროკავშირს განუცხადა, რომ თურქეთი არ შეცვლის ანტიტერორისტულ კანონს ევროპაში უვიზო მიმოსვლის გამო:

"ჩვენ ჩვენი გზით ვივლით, თქვენ თქვენი გზით იარეთ".

ევროკავშირმა თურქეთს მიმართა, რომ გადაეხედა კანონმდებლობისთვის, რათა სავიზო ლიბერალიზაციის კრიტერიუმები დაეკმაყოფილებინა. კერძოდ, შეთანხმების თანახმად, საბერძნეთში შესული მიგრანები, უმეტესად სირიელები, თურქეთში უნდა დაბრუნდნენ, რათა ევროპაში მათი მიგრაცია განიმუხტოს.

4 მაისს, ევროკომისიამ თურქეთისთვის ვიზების გაუქმების საკითხს მხარი დაუჭირა. კომისიამ მესამე ანგარიში გამოაქვეყნა. დოკუმენტის თანახმად, თურქეთისთვის ვიზების გაუქმება დამოკიდებულია, როგორც დარჩენილი კრიტერიუმების შესრულებაზე, ასევე, ევროკავშირსა და თურქეთს შორის დადებულ 18 მარტის შეთანხმების გათვალისწინებაზე.

თურქეთის პრეზიდენტმა აღნიშნული განცხადება, პრემიე მინისტრ აჰმეტ დავითოღლუს გამოსვლიდან 1 დღის შემდეგ გააკეთა. პრემიერი მხარს უჭერდა ევროკავშირთან შეთანხმებას.