თბილისის საქალაქო სასამართლომ სიდედრის მკვლელობისთვის, ასევე, ცოლისა და სიმამრის მკვლელობის მცდელობისთვის კაცს 23 წლით თავისუფლების აღკვეთა მიუსაჯეს.

პროკურატურის განცხადებით, 2017 წლის 14 ნოემბერს თავისუფლების უკანონო აღკვეთისთვის, თაღლითობისთვის, ცემისა და ჯანმრთელობის დაზიანებისთვის ნასამართლევი კაცი დაახლოებით შუაღამით ყოფილი ცოლის სახლში მოსაკლავად შეიპარა და ქალს დანით მრავლობითი ჭრილობა მიაყენა. უწყების ინფორმაციით, დასახმარებლად შესულ ყოფილ სიმამრსა და სიდედრს კაცმა განსაკუთრებული სისასტიკით, ასევე, მრავლობითი დაზიანება მიაყენა. მიღებული დაზიანებების გამო სიდედრი საავადმყოფოში გარდაიცვალა.

სამართალდამცველებმა მიმალვაში მყოფი კაცი 2019 წლის 5 თებერვალს თბილისში დააკავა.

თბილისის საქალაქო სასამართლომ კაცი დამნაშავედ ცნო საქართველოს სისხლის სამართლის კოდექსის 2381-ე მუხლის პირველი და მეორე ნაწილებით (ნასამართლევი პირის მიერ ცივი იარაღის ტარება), 111,109-ე მუხლის მესამე ნაწილის "ბ" ქვეპუნქტით (ოჯახის ერთი წევრის განსაკუთრებული სისასტიკით განზრახ მკვლელობა) და 111,19.109-ე მუხლის მესამე ნაწილის "ა" და "ბ" ქვეპუნქტებით (ოჯახის ორი წევრის განსაკუთრებული სისასტიკით განზრახ მკვლელობის მცდელობა).