თურქეთის პრეზიდენტი, რეჯეფ თაიფ ერდოღანი გაზაფხულზე საქართველოს ეწვევა. ამის შესახებ მან საქართველოს პრემიერ-მინისტრთან, გიორგი გახარიასთან შეხვედრის შემდეგ, ერთობლივ ბრიფინგზე განაცხადა.

საქართველოს მთავრობის ადმინისტრაციის ინფორმაციით, ერდოღანი საქართველოში გახარიას მოწვევით ჩამოვა. მათი ცნობით, პრეზიდენტმა გახარიას ვიზიტისთვის მადლობა გადაუხადა და პრემიერ-მინისტრის თანამდებობაზე დანიშვნა კიდევ ერთხელ მიულოცა.