შშმ პირებთან დაკავშირებული პროექტების მენეჯერი, ნათია კოპაძე ეროვნულ ბიბლიოთეკაში უკვე დაგეგმილ და სამომავლო ღონისძიებებზე საუბრობს:

ნათია კოპაძე, ეროვნული ბიბლიოთეკის შშმ პირებთან დაკავშირებული პროექტების მენეჯერი.

მსოფლიო ჯანდაცვის ორგანიზაციის მიერ დადგენილ დღეებს გამოვეხმაურეთ და ორი ღონისძიება დავგეგმეთ ბიბლიოთეკაში. პირველი ღონისძიება უსინათლოთა პრობლემებს ეხება და სტუმარიც შესაბამისად შევარჩიეთ. ის არის პირველი ადამიანი, რომელსაც ჰყავს გამცილებელი ძაღლი საქართველოში. მეორე ღონისძიება
ფსიქიკური ჯანმრთელობის მქონე პირებს ეხება, კერძოდ, საუბარი იქნება სუიციდზე. მსოფლიო ჯანდაცვის ორგანიზაციამ წელს სწორედ ეს თემა გამოარჩია პრიორიტეტად. სპეციალისტი, რომელც შევარჩიეთ, ისაუბრებს სუიციდის პრევენციაზე, მშობლების გავლენაზე შვილების ცხოვრებაზე. იქნება ფილმის განხილვაც.მომავალშიც ვაპირებთ ფილმების ჩვენებას ძალადობაზე, ბულინგზე, ევთანაზიაზე და სხვა აქტუალურ თემებზე. მოვიწვევთ შესაბამის სპეციალისტებს. ასევე ვმუშაობთ ორგანიზაციებთან შშმ პირებთან დაკავშირებული პროექტების განხორციელებაზე. ორგანიზაციებს ვთავაზობთ ბიბლიოთეკის სივრცეს, რომელიც საჯაროა და ადვილად ხელმისაწვდომია ყველასთვის. შშმ პირების ასეთ სივრცეებთან ინტეგრაცია ადვილია და აუცილებელი.

ნათია კოპაძე

30 ოქტომბერს 18:00 საათზე ეროვნული ბიბლიოთეკის დამოუკიდებლობის
დარბაზში (გუდიაშვილის 5, ბიბლიოთეკის მეორე კორპუსი) პოეტ და მთარგმნელ სტანისლავ ციბულსკის პოეზიის საღამოს გაიმართება.

ღონისძიების შემდეგ სტანისლავ ციბულსკი თეთრი ჯოხის შესახებ ისაუბრებს. 15 ოქტომბერს მსოფლიო ჯანდაცვის ორგანიზაცია თეთრი ჯოხის საერთაშორისო დღეს აღნიშნავს. ამ დღეს, მსოფლიოს მრავალ ქვეყანაში ადამიანები ცდილობენ საზოგადოებას ინფორმაცია მიაწოდონ თეთრი ჯოხის მნიშვნელობის შესახებ.

31 ოქტობერს, 17:00 საათზე ეროვნული ბიბლიოთეკის კინოდარბაზში ფილმის საათები ჩვენება გაიმართება. ჩვენების შემდეგ ფსიქოლოგი, თსუ-ს სოციალურ და პოლიტიკურ მეცნიერებათა ფაკულტეტის ასოცირებული პროფესორი, შშმ პირთა საკითხების კვლევის ცენტრის დირექტორი, თამარ მახარაძე, სუიციდის პრევენციაზე, მშობლების ზეგავლენაზე, ბავშვობაში მიღებულ ტრავმებზე ისაუბრებს.

ოქტომბერი ფსიქიკური ჯანმრთელობის თვეა. ყოველ წელს, მსოფლიო ჯანდაცვის ორგანიზაცია ირჩევს თემას, რომელზეც ფსიქოლოგები, ფსიქიატრები საუბრობენ. წელს, სუიციდის პრევენცია არის ის თემა, რაზეც მსოფლიოს სხვადასხვა ქვეყნებში საუბრობენ.

ღონისძიებებზე დასწრება თავისუფალია.