უკმაყოფილო პუტკუნა კატას გაგაცნობთ, რომელსაც წონის პრობლემა აქვს, თუმცა, ჯანმრთელი ცხოვრების წესის დაბრუნებაში მას კეთილი ადამიანები ეხმარებიან.

მართალია, ცხოველი სხვადასხვა აქტივობების შესრულებით საკმაოდ უკმაყოფილო ჩანს, თუმცა, სახალისო დავალებებს მაინც ასრულებს და საყვარელი კნავილით გარშემომყოფებს მხარდაჭერას თხოვს.

ნახეთ, როგორ ასრულებს ის წყალში სიარულის გამაჯანსაღებელ ვარჯიშებს:

"კატას ჭარბი წონის დაკლებაში სხვადასხვა სავარჯიშოებითა და დიეტით ვეხმარებით, თუმცა, პროცესით დიდად კმაყოფილი ვერ არის", — წერენ ვეტერინარული კლინიკის თანამშრომლები ინსტაგრამზე.

ამ სახალისო ვიდეოს გავრცელების შემდეგ კი სინდერბლოკი ინტერნეტში ძალიან პოპულარული გახდა და ბევრი გულშემატკივარიც გამოუჩნდა.

"ვარჯიშობ? კარგი გოგო ხარ!", — ამხნევებს ვეტერინარი ცხოველს და პოპულარული ვიდეოს მეორე სერიას გვთავაზობს.

როგორც ვთქვით, სინდერბლოკმა მსოფლიოს სხვადასხვა კუთხეში მცხოვრები უამრავი ადმაიანის გული მოიგო, მეტიც, ის სხვადასხვა მიმისა და სახალისო პოსტის ინსპირაციაც კი გახდა, რომელთა ავტორებიც ხან კატას ამხნევებენ და ხანაც საკუთარ სიზარმაცესთან ავლებენ პარალელს.

ჩვენ კი ისღა დაგვრჩენია, ამ პუტკუნა კატას სწრაფად წონაში დაკლება და დიდხანს, ბედნიერი ცხოვრება ვუსურვოთ.