28 ოქტომბერს, სკოლის ბიბლიოთეკების საერთაშორისო დღეს, ეროვნული ბიბლიოთეკის მოძრაობა ეკვილიბრიუმი სოფელ თელეთის საჯარო სკოლას ესტუმრა. თელეთის სკოლიდან ეკვილიბრიუმს ამავე სკოლის მოსწავლე გიორგი ასლამაზიშვილი დაუკავშირდა და სკოლის ბიბლიოთეკისთვის წიგნები ითხოვა.

ფოტო: ეროვნული ბიბლიოთეკა

"სკოლის ბიბლიოთეკების საერთაშორისო დღეს სოფელ თელეთის სკოლას ვესტუმრეთ და წიგნებით მოვამარაგეთ. გიორგის თხოვნა შესრულებულია", — აცხადებს ეროვნული ბიბლიოთეკის დირექტორი გიორგი კეკელიძე.

ფოტო: ეროვნული ბიბლიოთეკა

"თელეთის საჯარო სკოლაში გვაქვს ბიბლიოთეკა, სადაც წიგნები ძალიან მწირი იყო. სკოლას ჩემი თხოვნით ბატონი გიორგი და მოძრაობა ეკვილიბრიუმი ეწვია და ძალიან ბევრი ლიტერატურა ჩამოგვიტანეს. ბევრი მოსწავლეა ჩვენს სკოლაში, რომელსაც უნდოდა კლასგარეშე ლიტერატურის წაკითხვა, მაგრამ აქამდე ამის საშუალება არ ჰქონდა. ახლა უკვე დიდი არჩევანი გვაქვს. მეც გახარებული ვარ, სკოლაც და ბავშვებიც. დიდი მადლობა ამ საჩუქრისთვის", — ამბობს თელეთის საჯარო სკოლის მე-12 კლასის მოსწავლე გიორგი ასლამაზიშვილი.

ფოტო: ეროვნული ბიბლიოთეკა