შინაგან საქმეთა სამინისტროს განცხადებით, ვარკეთილში ტაქსის მძღოლის მკვლელობის ბრალდებით 23 წლის პირი დააკავეს. უწყების ინფორმაციით, ბრალდებულმა ურთიერთშელაპარაკების ნიადაგზე 56 წლის პირს ცივი იარაღით სასიკვდილო ჭრილობა მიაყენა და შემთხვევის ადგილიდან მიიმალა. დაჭრილი საავადმყოფოში გარდაიცვალა

უწყებაში ამბობენ, რომ ბრალდებულის დაკავებისას ნივთმტკიცებად ამოიღეს სავარაუდოდ დანაშაულის იარაღი, დანა.

საქმეზე გამოძიება განზრახ მკვლელობის ბრალდებით, საქართველოს სისხლის სამართლის კოდექსის108-ე მუხლით მიმდინარეობს. ამ მუხლით გათვალისწინებული დანაშაული 7-დან 15 წლამდე ვადით თავისუფლების აღკვეთას ითვალისწინებს.