სოთბის აუქციონზე The Macallan-ის ბრენდის ერთი ბოთლი შოტლანდიური ვისკი რეკორდულ ფასად, £1,5 მილიონად გაიყიდა, რაც 1 926 225 დოლარის ეკვივალენტია. მყიდველის ვინაობა ანონიმურია.

აუქციონი ლონდონში გაიმართა. 1926 წლის ვისკის ფასი, წინასწარი ვარაუდით, 450-580 ათას დოლარს შორის მერყეობდა, თუმცა საბოლოოდ ის 4-ჯერ უფრო ძვირად გაიყიდა.

სოთბიმ ვისკის ბოთლი "წმინდა გრაალად" მოიხსენია. ვისკი 1926 წელსაა დაყენებული. საკოლექციო სასმელი 1986 წელს შეზღუდული რაოდენობით, 40 ბოთლით გამოიცა.