დღეს, 18 ოქტომბერს საზოგადოებრივი მოძრაობა ლელოს დამფუძნებელმა, მამუკა ხაზარაძემ მოძრაობის კიდევ 12 ახალი წევრი წარადგინა.

მეხუთე 12-ეულის სია:

  1. კახა ხაზარაძე — ბიზნესმენი;
  2. ნატალია ბარათელი — ინჟინერია-გეოფიზიკის მაგისტრი, განათლების დამოუკიდებელი ექსპერტი;
  3. ლევან ქოქიაშვილი — რესტორატორი, კომპანია გასტრონავტის დაფუძნებელი;
  4. ვაჟა სამადბეგიშვილი — ინჟინერ-მექანიკოსი, კომპანია კა-დე-ვე ჯორჯიას გენერალური დირექტორი;
  5. ლაშა მარგიანი — პოეტი, მხატვარი, სამოქალაქო აქტივისტი;
  6. მარიამ თავაძე — ფილოლოგი, მთარგმნელი, შუმანის სახელობის ევროპული სასწავლებლის ქართული ენისა და ლიტერატურის მასწავლებელი;
  7. ალექსანდრე რატიშვილი — ინჟინერ-ეკონიმისტი, ბიზნესმენი;
  8. ლევან ლომთაძე — ბიზნესის ადმინისტრირების სპეციალისტი, საერთაშორისო (ამერიკული) საქველმოქმედო ორგანიზაციის ახალგაზრდული ფრთის პრეზიდენტი;
  9. გიორგი ბიჭიაშვილი — ტექნიკურ-მეცნიერებათა დოქტორი;
  10. გიორგი მჭედლიშვილი — ისტორიის მეცნიერებათა აკადემიური დოქტორი;
  11. ირაკლი კუცია — საერთაშორისო ურთიერთობების სპეციალისტი;
  12. მარიამ აფრასიძე — სამოქალაქო აქტივისტი.

მამუკა ხაზარაძემ უკვე მოძრაობის 60 წევრი წარადგინა. ხაზარაძემ აღნიშნა, რომ მისი მოძრაობის წევრებს საზოგადოებას ეტაპობრივად გააცნობს.

ხაზარაძემ საზოგადოებრივი მოძრაობის დაფუძნება 9 ივლისს დააანონსა, 12 სექტემბერს კი პრეზენტაცია ანაკლიაში გამართა. ხაზარაძემ მაშინ თქვა, რომ ქვეყანაში ბოლო დროს მიმდინარე პროცესები საგანგაშო ფორმებს იღებს, სახეზეა ჩვენი საზოგადოების გახლეჩვისა და დაპირისპირების მიზანმიმართული პროცესი.

მისივე თქმით, 20 ივნისის ღამე იყო ის წყალგამყოფი, როდესაც "ჩვენმა ღირსეულმა და თავისუფალმა ახალგაზრდობამ გულწრფელი და მტკიცე პროტესტი გამოხატა ოკუპაციისა და ძალადობის წინააღმდეგ. ეს პროტესტი არის უწყვეტი, ისტორიული პროცესისა და ჩვენი ქვეყნის დამოუკიდებლობისთვის ბრძოლის გაგრძელება". ხაზარაძემ აღნიშნა, რომ სწორედ დღეს არის საჭირო ჯანმრთელი, პროგრესული და პროდასავლური საზოგადოების კონსოლიდაცია და გაერთიანება, რადგან მისივე განცხადებით, ცხადია, რომ არსებული ვითარების დეესკალაცია და სამოქალაქო მშვიდობის მიღწევა მხოლოდ ხელისუფლების ან პოლიტიკური პარტიების ძალისხმევით პრაქტიკულად შეუძლებელი ხდება.