სერიალ Friends-ის ვარსკვლავი ჯენიფერ ენისტონი ინსტაგრამზე დარეგისტრირდა. ეს კი იმას ნიშნავს, რომ რეიჩელ გრინის, ან უბრალოდ შეუდარებელი მსახიობის ფანებს, უკვე შეგიძლიათ ინტერნეტში მისი ერთადერთი ოფიციალური პროფილის მიმდევრები გახდეთ.

"და ჩვენ უკვე ინსტაგრამზეც ვმეგობრობთ, გამარჯობა", — წერს მსახიობი სელფის აღწერაში, სადაც მასთან ერთად მეგობრები ლიზა კუდროუ, კორტნი კოქსი, მეთიუ პერი, დევიდ შვიმერი და მეთ ლებლანკი არიან.

პოსტის კომენტარებში ჯენს უკვე მიესალმნენ რიზ უიზერსპუნი, დერეკ ბლასბერგი და სხვები. ჯერჯერობით პოსტს გამომწერების რაოდენობაზე მეტი მოწონება აქვს.

ენისტონის პირველი კომენტარი მეთ ლებლანკის ფოტოზე გამოჩნდა, სადაც ჯენმა მას შეუსწორა, რომ ჰეშტეგის ნიშნით აღარ უნდა მოენიშნა.

"მეგობრები ჯენს მეძახიან", — ვკითხულობთ ენისტონის ინსტაგრამის ბიოგრაფიაში.

სულ რამდენიმე დღის წინ ენისტონმა ინტერვიუში თქვა, რომ ინსტაგრამზე დარეგისტრირებას არ გამორიცხავდა:

"სოციალური მედია ჩვენი სამყაროს ნაწილი გახდა და ის სადმე წასვლას აღარ აპირებს".