სულ ცოტა ხნის წინ ოფიციალურად დადასტურდა, რომ კომიქსების სამყაროს ახალი ქალი-კატა ეყოლება - ზოი კრავიცი.

ჰოლივუდში ჯერ კიდევ არც ისე ცნობილი რეჟისორი, მეთ რივზი იმუშავებს Warner Bros.-ის საკმაოდ თამამ პროექტზე: ბეტმენის ახალ ფილმზე. უკვე ისიც ცნობილია, თუ ვინ შეასრულებს გოთემის გმირის, ბრუს უეინის როლს - ფილ ბინდიდან ცნობილი ახალგაზრდა ვარსკვლავი რობერტ პატინსონი.

სწორედ ამ ახალ ისტორიაში ითამაშებს ზოი კრავიცი ქალი-კატის როლს, რომელიც ფილმის სიუჟეტში ბეტმენის მოწინააღმდეგედ იქნება წარმოდგენილი.

ზოი კრავიცმა ბოლო წლებში მაყურებლებს თავი განსაკუთრებით სერიალ დიდი პატარა ტყუილებში შესრულებული როლით დაამახსოვრა, რომლის ორივე სეზონმაც სატელევიზიო სივრცეში დიდი პოპულარობა მოიპოვა.

ფილმის გადაღებები ამ წლის ბოლოს იწყება და ჰალი ბერის, მიშელ პფაიფერისა თუ ენ ჰეთეუეის შემდეგ ახალი ქალი-კატის ხილვა დიდ ეკრანებზე 2021 წლის 25 ივნისიდან შეგვეძლება.