ვოლოდიმირ ზელენსკიმ, როგორც ქვეყნის პრეზიდენტმა, ყველაზე ხანგრძლივი პრესკონფერენციით მსოფლიო რეკორდი დაამყარა. მედიამარათონი 14 საათი გაგრძელდა.

რეკორდების ეროვნული რეესტრის წარმომადგენელმა უკრაინის პრეზიდენტს სერტიფიკატიც გადასცა. წარმომადგენლის თქმით, რვა საათის გასვლის შემდეგ ზელენსკიმ წინა რეკორდს 45 წუთით გადააცილა.

პრეზიდენტის პრესმდივანმა, იულია მენდელმა აღნიშნა, რომ რეკორდის დამყარება მათ გეგმებში არ შედიოდა და რეესტრის წარმომადგენლები თვითონ დაუკავშირდნენ.

ზელენსკის მედიამართონი 10 ოქტომბერს გაიმართა. მედიასთან მრავალსაათიანი შეხვედრა პრეზიდენტმა კიევში, Kyiv Food Market-ში გამართა, სადაც 20-ზე მეტი საკვები ობიეტია განთავსებული.

პრესკონფერენციისთვის რეგისტრაცია თითქმის 300-მა ჟურნალისტმა გაიარა. ზელენსკი მაგიდასთან ჟურნალისტების ჯგუფს ნახევარ-ნახევარ საათის განმავლობაში ესაუბრებოდა. თავდაპირველად დაგეგმილი იყო, რომ მარათონი 10 საათს გაგრძელებულიყო.

ფოტო: უკრაინის პრეზიდენტის ადმინისტრაცია

ფოტო: უკრაინის პრეზიდენტის ადმინისტრაცია

ფოტო: უკრაინის პრეზიდენტის ადმინისტრაცია

ფოტო: უკრაინის პრეზიდენტის ადმინისტრაცია