ამერიკული სერიალის რივერდეილის მეოთხე სეზონის პირველი ტრეილერი გამოვიდა. ეს პირველი სეზონია მსახიობ ლუკ პერის გარეშე, რომელიც 52 წლის ასაკში, ინსულტის შედეგად გარდაიცვალა.

სერიალის მთავარი პერსონაჟები ჯაგჰედი, ბეტი, ვერონიკა და არჩი მათ საყვარელ რესტორანში, Pop's Chock'lit Shoppe-ში არიან, პიკნიკს გეგმავენ და სკოლის ბოლო სასწავლო წელს განიხილავენ, როდესაც არჩის ურეკავენ. სავარაუდოდ სწორედ ამ დროს იგებს ის მამის, ფრედ ენდრიუსის გარდაცვალების შესახებ.

ტრეილერი შოუს ფანებს წარმოდგენას უქმნის იმაზე, თუ როგორ გაგრძელდება მთავარი გმირების ცხოვრება და რა თავსატეხები ელით მათ გარგოლიების მეფის გამორკვევასა და ბლექ ჰუდის სიკვდილის შემდეგ.

რივერდეილი ახალი სეზონით ნეტფლიქსზე 10 ოქტომბერს დაბრუნდება.