ბენქსი ცნობილი ბრიტანელი სტრიტ-არტისტია, რომელმაც მსოფლიოში სახელი სოციალური თემატიკის ნახატებითა და პოლიტიკური პერფორმანსებით გაითქვა.

ცოტა ხნის წინ მან ლონდონში მაღაზია გახსნა სახელწოდებით: მთლიანი შიდა პროდუქტი. ამით მან მისალოცი ბარათების მწარმოებელი იმ კომპანიის წინააღმდეგ გამოხატა პროტესტი, რომელიც მის ნახატებს საავტორო უფლებების დაცვის გარეშე კომერციული მიზნებით იყენებს.

"ეს იყო, ალბათ, ყველაზე არაპოეტური მიზეზი ხელოვნების შესაქმნელად", - აცხადებს ბენკსი.

ხელოვანმა ამ სიახლის შესახებ თავის ერთგულ გულშემატკივრებს ინსტაგრამის საშუალებით აცნობა:

"მაღაზიას ვხსნი (თუმცა მისი კარები სულაც არ იქნება ღია)".

მაღაზიაში შესვლა მართლაც შეუძლებელია: მასში განთავსებული ბენქსის შემოქმედების ცნობილი ნიმუშების დათვალიერება მხოლოდ ქუჩიდან, უზარმაზარი შუშის ვიტრინების საშუალებითაა შესაძლებელი. როგორც ბენკსიმ განაცხადა, მაღაზიაში განთავსებული ექსპონატების შეძენა მალე ინტერნეტის საშუალებით შეეძლებათ დაინტერესებულ პირებს.