საზოგადოებრივი მოძრაობა ლელოს დამფუძნებელმა, მამუკა ხაზარაძემ ლელოს კიდევ 12 წევრი წარადგინა.

მესამე 12-ეულის სია:

  1. ქეთევან კრიალაშვილი — ეკონომისტი, გადასახადების გადამხდელთა ასოციაციის დირექტორის მოადგილე;
  2. ალექსანდრე ფირცხალაიშივლი — იურისტი;
  3. თეა ჭკუასელი — პიანისტი;
  4. ირაკლი სუთიძე — მხატვარი;
  5. ბესიკ ლიპარტელიანი — სპორტსმენი;
  6. გია რაფავა — სპორტსმენი, საქართველოს რაგბის ნაკრების პირველი კაპიტანი
  7. დავით ბეგიაშვილი — ბიზნესმენი;
  8. თორნიკე შურღულაია — ანალიტიკოსი, თომას ჯეფერსონის კვლევით ინსტიტუტის დამფუძნებელი;
  9. ხათუნა თავდგირიძე — მწერალი;
  10. დავით გელაშვილი — სპორტსმენი, საქართველოს ცურვის განვითარების მენეჯერი;
  11. გიორგი ოქროაშვილი — ფსიქოლოგი;
  12. აკაკი გელაშვილი — ისტორიის მეცნიერებათა დოქტორი.

მამუკა ხაზარაძემ უკვე მოძრაობის 36 წევრი წარადგინა. ხაზარაძემ აღნიშნა, რომ მისი მოძრაობის წევრებს საზოგადოებას ეტაპობრივად გააცნობს.

ხაზარაძემ საზოგადოებრივი მოძრაობის დაფუძნება 9 ივლისს დააანონსა, 12 სექტემბერს კი პრეზენტაცია ანაკლიაში გამართა. ხაზარაძემ მაშინ თქვა, რომ ქვეყანაში ბოლო დროს მიმდინარე პროცესები საგანგაშო ფორმებს იღებს, სახეზეა ჩვენი საზოგადოების გახლეჩვისა და დაპირისპირების მიზანმიმართული პროცესი. მისივე თქმით, 20 ივნისის ღამე იყო ის წყალგამყოფი, როდესაც "ჩვენმა ღირსეულმა და თავისუფალმა ახალგაზრდობამ გულწრფელი და მტკიცე პროტესტი გამოხატა ოკუპაციისა და ძალადობის წინააღმდეგ. ეს პროტესტი არის უწყვეტი, ისტორიული პროცესისა და ჩვენი ქვეყნის დამოუკიდებლობისთვის ბრძოლის გაგრძელება". ხაზარაძემ აღნიშნა, რომ სწორედ დღეს არის საჭირო ჯანმრთელი, პროგრესული და პროდასავლური საზოგადოების კონსოლიდაცია და გაერთიანება, რადგან მისივე განცხადებით, ცხადია, რომ არსებული ვითარების დეესკალაცია და სამოქალაქო მშვიდობის მიღწევა მხოლოდ ხელისუფლების ან პოლიტიკური პარტიების ძალისხმევით პრაქტიკულად შეუძლებელი ხდება.