Harvard პოსტსაბჭოთა ქვეყნების სტუდენტებისთვის სწავლის სრული დაფინანსების პროგრამას აცხადებს. ინფორაციას ამის შესახებ ბიზნესკონტრაქტი ავრცელებს.

სტიპენდიის მოპოვება 24-დან 32 წლამდე ასაკის პირებს შეუძლიათ, რომლებიც ყოფილი საბჭოთა კავშირის ქვეყნის მოქალაქეები არიან. სტიპენდია სწავლის სრულ დაფინანსებას მოიცავს და აპლიკაციის გაგზავნის ბოლო ვადა 1 დეკემბერია.

გარდა ამისა, პროგრამაში მონაწილეობა მაგისტრატურის საფეხურზე სწავლის გაგრძელების მსურველებს შეუძლიათ. დაფინანსება ორწლიან საჯარო პოლიტიკის ფაკულტეტზე ცხადდება.

სტიპენდიის მოსაპოვებლად კანდიდატს GRE-ის ან GMAT-ის ტესტი დასჭირდება. ასევე, სავალდებულოა ინგლისური ენის ცოდნის დამადასტურებელი ცნობაც: TOEFL-ის ტესტის შემთხვევეში მინიმალური სავალდებულო ქულებია:

  • IBT – 100
  • CBT – 250
  • PBT – 600

IELTS-ის შემთხვევაში კი მინიმალური მოთხოვნა 7 ქულაა.

ონლაინ აპლიკაციის გაგზავნის ღირებულება 100 დოლარია. სხვა საბუთებთან ერთად აპლიკანტმა რეკომენდაციის წერილი, რეზიუმე, მოტივაციის წერილი და უნივერსიტეტის ქულების საბუთიც უნდა გაგზავნოს.

სასტიპენდიო პროგრამაზე დამატებითი ინფორმაციის მისაღებად, შეგიძლიათ ნახოთ აქ.