ჯოდი კომერი შესაძლოა როლით მოგვევლინოს. Killing Eve-ს მსახიობი რიდლი სკოტის ფილმში, The Last Duel, ქალის მთავარ როლზე განიხილება. ფილმში მონაწილეობენ მეთ დეიმონი და ბენ აფლეკი, რომლებიც ფილმის სცენარისტებიც იქნებიან.

უკანასკნელი დუელი დრამა იქნება, შურისძიების შესახებ. სიუჟეტი მე-14 საუკუნის საფრანგეთში ვითარდება, რომლის მიხედვითაც, ომიდან დაბრუნებული კაცი იგებს, რომ მისი ცოლი მეგობარმა გააუპატიურა. ფილმში ქალის არავის სჯერა, ამიტომ ჯარისკაცი საფრანგეთის მეფეს სთხოვს, რომ უკანასკნელი დუელის უფლება მისცეს, რომელიც მისი ყოფილი მეგობრის ბედს გადაწყვეტს.

ფილმის გადაღებები 2020 წლის დასაწყისშია დაგეგმილი.

ცოტა ხნის წინ გამართულ ემის 71-ე დაჯილდოებაზე, ჯოდი კომერმა თავისი პირველი ემი მიიღო Killing Eve-ში განსახიერებული ფსიქოპატის, ვილანელის როლისთვის.