ერთხელ ბილი მედისონმა საკმაოდ დამაფიქრებელი და ბრძნული რამ თქვა — "თუ თქვენ გყავთ შინაური ცხოველი, ეს დიდი პასუხისმგებლობაა. ხოლო თუ ის დაიკარგა, ლოდინი გამოსავალი არ არის. გაანძრიეთ თქვენი უკანალი და აუცილებლად მოძებნეთ!"

სწორედ ასე მოიქცა ვაშინგტონელი ქალი, რომელმაც გასულ ზაფხულს ძაღლი დაკარგა და მის მოსაძებნად შეიძლება ითქვას, რომ საკუთარი ცხოვრება გადადო.

ეს ყველაფერი 20 ივლისს მოხდა, როდესაც კაროლი მონტანას შტატში, ქმართან ერთად 5-დღიან მოგზაურობაში იყო. იმ საღამოს სასტუმროს ნომერში დაბრუნებულს კი ძაღლი გაუჩინარებული დახვდა.

შეიძლება გაგიკვირდეთ, მაგრამ, ქალმა სამსახური მიატოვა და ძაღლის მოსაძებნად კიდევ ერთხელ წავიდა სამოგზაუროდ, ამჯერად გაცილებით ხანგრძლივი დროით და თანაც მარტო.

საბედნიეროდ ამ ისტორიას ბედნიერი დასასრული აქვს, რადგან 57-დღიანი ძებნის შემდეგ ქალმა ძაღლი ქალაქ კალისპელში, საშინლად დასუსტებულ მდგომარეობაში იპოვა. მათი შეხვედრა კი იმდენად ამაღელვებელი და ემოციური იყო, რომ ადამიანები მანქანებს აჩერებდნენ და ბედნიერებისგან იღბლიან პატრონს ეხუტებოდნენ.

"არ ვაპირებდი იმ აზრთან შეგუებას, რომ ჩემს ძაღლს ვეღარასდროს ვიპოვიდი", — ამბობს კაროლი.

ჩვენ კი ისღა დაგვრჩენია, რომ მსოფლიოში ერთ-ერთ საუკეთესო და ერთგულ პატრონს, რაც შეიძლება სწრაფად, კარგი სამსახურის მოძებნა ვუსურვოთ.