თბილისის ქუჩებში ახალი სტენსილი გამოჩნდა, რომელიც, სავარაუდოდ, ისევ და ისევ 20 ივნისის აქციას და გავრილოვის სისხლიან ღამეს მომხდარ მოვლენებს უკავშირდება.

"#სირცხვილია", — წერს ფეისბუქის საკუთარ გვერდზე სტენსილის ავტორი და საკუთარი ნამუშევრის ფოტოსაც გვიზიარებს:

სპეცრაზმელის როლში მყოფი მსახიობი სპექტაკლის ბოლოს რევერანსს აკეთებს და მადლობას უხდის აუდიტორიას. მსახიობს ესვრიან ფერებს და ყვავილებს.

როგორც ხედავთ, ნამუშევარი არის ორაზროვანი — ერთი კუთხით ხალხი მადლობას უხდის სპეცრაზმელს კარგად შესრულებული როლისთვის და ყვავილებით ამკობს, მეორე მხრივ კი შესაძლებელია სტენსილი ასახავდეს თბილისში მიმდინარე მოვლენებს, კერძოდ მშვიდობიანი პროტესტის ფორმას.