საქსტატის გამოთვლით, 2019 წლის მე-2 კვარტალში საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 76,3 ლარით გაიზარდა და 1 179,8 ლარი შეადგინა.

ფოტო: საქსტატი

საქსტატის ცნობით, ხელფასები თითქმის ყველა სექტორშია გაზრდილი. საქმიანობების მიხედვით შედარებით მაღალი ხელფასებია:

  • საფინანსო და სადაზღვევო საქმიანობა — 2 393,6 ლარი (წლიური ზრდა — -0,4 პროცენტი);
  • პროფესიული, სამეცნიერო და ტექნიკური საქმიანობები — 1 900,4 ლარი (წლიური ზრდა — 6 პროცენტი);
  • ინფორმაცია და კომუნიკაცია — 1 806,4 ლარი (წლიური ზრდა — 5,6 პროცენტი).

საქსტატის ინფორმაციით, თითქმის ყველა სექტორში კაცების ანაზღაურება ისევ მაღალია, ვიდრე ქალების. მათი ცნობით, 2019 წლის მე-2 კვარტალში ქალების საშუალო ხელფასი 913,5 ლარი, ხოლო კაცების — 1 419,8 ლარია.

ფოტო: საქსტატი