პრემიერ-მინისტრობის კანდიდატის, გიორგი გახარიას თქმით, ნაციონალურმა მოძრაობა მოიტყუა, როცა თქვა, რომ მაკო გომური პარლამენტთან იყო და სხდომაზე შესვლა სურდა. ამის შესახებ გახარიამ ჟურნალისტებს განუცხადა.

"ის ტყუილების კორიანტელი, რომლისთვისაც გამოიყენეს მაკო გომურიც... მათ უბრალოდ მოიტყუეს, რომ ეს ადამიანი არის აქ. ეს არის განსახიერება, როგორ აცხოვრებდნენ წლების განმავლობაში სიცრუეში საზოგადოებას", — თქვა გახარიამ.

რამდენიმე წუთის წინ Facebook-ზე მაკო გომურმა დაწერა, რომ ის თბილისში არ იმყოფება და პარლამენტში საშვის დაშვების შესახებ 5 წუთით ადრე გაიგო. თუმცა, პოსტი ახლა აღარ იძებნება.

ნაციონალურმა მოძრაობამ გახარიას კითხები დაუსვეს, თუმცა, პასუხის გაცემამდე დარბაზი დატოვეს. პირველი კითხვა კი 20-21 ივნისის მოვლენებზე გადაღებული საპროტესტო კლიპით "გახარიას უხარია" დაისვა. კლიპის ჩვენების შემდეგ დეპუტატმა, რომან გოცირიძემ იკითხა: "რატომ ესროლეთ ბავშვებს ტყვია".

ამის შემდეგ ნაციონალური მოძრაობის დეპუტატებმა სხვა კითხვები დასვეს, თუმცა განცხადეს, რომ პასუხების მოსმენას არ აპირებდნენ და დარბაზიდან გავიდნენ.

მათი გასვლის შემდეგ გახარიამ ასევე განაცხადა, რომ 20 ივნისის ღამეს ნაციონალური მოძრაობის დეპუტატები პარლამენტში ისხდნენ და ელოდებოდნენ, თუ როგორ შეიჭრებოდა ხალხი. მისივე თქმით, ეს დეპუტატები ითვლიდნენ იმასაც, რომ მაქსიმალურად მეტი მსხვერპლი ყოფილიყო და ეს პოლიტიკური ნიშნით გამოეყენებინათ.

"ამის საშუალება უბრალოდ არ უნდა მივცეთ კოლეგებო. ეს იქნება ჩვენი ძირითადი ამოცანა", — ამ სიტყვებით დაასრულა გახარიამ გამოსვლა და დარბაზი დატოვა.

გაიგეთ მეტი: