თუ დისნეის ფანი ხართ, მაშინ ევროპის ქვეყნები აუცილებლად უნდა მოინახულოთ, რადგან ამერიკაში შექმნილი ზღაპრული ანიმაციების უკან, ხშირად სხვა კონტინენტზე არსებული ადგილებია.

გთავაზობთ ევროპის ქვეყნებს, რომლებიც თქვენს მოგზაურობას ჯადოსნურს გახდის.

მონ-სენ-მიშელი, საფრანგეთი / რაპუნცელი

ფოტო: Getty Images

ფოტო: Disney

ალბათ გსმენიათ, რომ საფრანგეთის საინტერესო ადგილები პარიზში არ სრულდება და ეს სნობების მოგონილი ტყუილი სულაც არაა. ციხე-სიმაგრედ გადაქცეული პატარა კლდოვანი კუნძული მონ-სენ-მიშელი ერთ-ერთი მათგანია და აუცილებლად მოგაგონებთ სასახლეს, რომელშიც რაპუნცელი 17-წლიანი ტყვეობიდან თავის დახსნის შემდეგ ბრუნდება.

ანიმატორებმა ინტერვიუში დაადასტურეს, რომ რაპუნცელზე მუშაობისას მთავარი ინსპირაცია სწორედ ეს სასახლე გახდა. იქ მისაღწევად გრძელთმიანი პრინცესა არ დაგჭირდებათ — მატარებელი პარიზიდან ციხე-სიმაგრის კარიბჭემდე 3 საათში მიგაცილებთ, გიდი კი შიგნით შეგიძღვებათ.

სეგოვია, ესპანეთი / ფიფქია და შვიდი ჯუჯა

ფოტო: Flickr

ფოტო: Disney

ფიფქიას სასახლე, სადაც ის ბოროტ დედოფალთან ერთად ცხოვრობდა, ესპანეთში მდებარეობს. ალკაზარის სასახლე ახლა მუზეუმადაა ქცეული და იქამდე მადრიდიდან მატარებლით 2 საათში მიხვალთ. მუზეუმის დამთვალიერებლებს 152-საფეხურიან კიბეზე ასვლის საშუალებაც ეძლევათ, საიადანაც გადმოხედვისას თავს დისნეის სამყაროში იგრძნობთ.

რიკვირი, საფრანგეთი / მზეთუნახავი და ურჩხული

ფოტო: Alamy

ფოტო: Disney

ეს ადგილიც საფრანგეთში მდებარეობს და იქ მისვლა მანქანით პარიზიდან 6 საათში შეიძლება. სოფელი რიკვირის მთავარი ქუჩა გახდა იმ ადგილის ინსპირაცია, სადაც ანიმაციაში ბელი მღერის, თუ როგორ დაღალა "პროვინციალურმა ცხოვრებამ". თუმცა, თუ ინსტაგრამისთვის ლამაზი სურათების გადაღება და ცოტა ხნით დისნეის ყველაზე ჭკვიანი პრინცესის ცხოვრებაში შეღწევა გსურთ, აუცილებლად მოინახულეთ რიკვირი.

წმინდა ოლაფის ეკლესია, ნორვეგია / გაყინული

ფოტო: Wikimedia

ფოტო: Disney

დიახ, ნორვეგია Frozen-ის ანიმატორების მთავარი შთაგონებაა და იმ ეკლესიასაც, რომელშიც ელზა არენდელის მეფედ აკურთხეს, წმინდა ოლაფის ეკლესია ჰქვია. ადგილს, სადაც ეკლესიაა, ბალესტრანდი ჰქვია და თუ თვითმფრინავით მგზავრობას აირჩევთ, ოსლოდან იქ 1 საათში ჩაფრინდებით.

შილონის ციხე-სიმაგრე, შვეიცარია / პატარა ქალთევზა

ფოტო: Flickr

ფოტო: Disney

სასახლე, რომელშიც არიელის დიდი სიყვარული, პრინცი ერიკი ცხოვრობდა, შვეიცარიაში, ჟენევის ტბაში მდებარეობს. სასახლესთან ახლოს პატარა სანაპიროა, ისევე როგორც დისნეის ანიმაციაში. ადგილზე ციურიხიდან 3 საათში მიაღწევთ.

დანოტარის ციხე, შოტლანდია / მამაცი

ფოტო: Flickr

ფოტო: Disney

ელინორის სამეფოში მდებარე მამაცი მერიდას სასახლის ინსპირაციას დიდ ბრიტანეთში, შოტლანდიაში იპოვით. მე-15 საუკუნეში აგებული დანოტარის ციხე-სიმაგრიდან ჩრდილოეთის ზღვის ულამაზესი ხედი იშლება. ადგილამდე ედინბურგიდან მატარებლით 2-3 საათში მიაღწევთ.

ბიგ ბენი, ინგლისი / პიტერ პენი

ფოტო: James Stringer / Flickr

ფოტო: Disney

ალბათ მხოლოდ ბიგ-ბენის სანახავად ლონდონს ცოტა თქვენგანი ეწვევა, მაგრამ იქ ყოფნისას, თუ ვეება საათს ახედავთ და ზედ ვენდის, პიტერ პენს, ჯონს, მაიკლსა და ტინკერ ბელს წარმოიდგენთ, ვინ იცის, ნევერლენდშიც კი შეიძლება მოგინდეთ წასვლა.

და თუ მაინც წახვალთ ლონდონში მხოლოდ ბიგ-ბენისთვის, გაითვალისწინეთ, რომ 2021 წლამდე ინგლისის ღირსშესანიშნაობა რესტავრაციის გამო დახურულია.

რიჯენტის პარკი, ინგლისი / 101 დალმატინელი

ფოტო: Luke Abrahams / Getty Images

ფოტო: Disney

ამ პარკში სიყვარულს ადამიანებიც პოულობენ და ძაღლებიც. გაიხსენეთ თავიდან 15 და შემდეგ 101 დალმატინელის მშობლების, პონგოსა და პერიტას და მათი პატრონების, როჯერისა და ანიტას გაცნობის სახალისო ისტორია. ასე რომ, თუ ლონდონში მხოლოდ ბიგ-ბენის სანახავად არ წახვალთ, შეძლებთ, რომ ეს ადგილიც მოინახულოთ.