ქართული ოცნება-მრეწველების თავმჯდომარე სიმონ ნოზაძე იზიარებს თავდაცვის მინისტრობის კანდიდატის, ირაკლი ღარიბაშვილის კრიტიკას იმაზე, რომ გირჩი ახალგაზრდების დეგრადაციას იწვევს.

"ყველა ის ქმედება, რომელიც ხორციელდება ახალგაზრდებთან დაკავშირებით, გირჩის მიერ, იმ სიმპტომების მახასიათებელია, რითაც ძირგამომთხრელი საქმიანობა ხასიათდება", — განაცხადა ნოზაძემ.

ის, ასევე, ფიქრობს, რომ სავალდებულო სამხედრო სამსახურში ახალგაზრდების ჩართვით, მათ "პატრიოტიზმს დაიცავენ".

"ჩვენ უამრავ ახალგაზრდას გადავარჩენთ, რომ არ ამოვარდნენ პატრიოტიზმის არხიდან და სამშობლოს სამსახურისათვის მზად იყვნენ. მე ამის თქმის საფუძველს ისიც მაძლევს, რომ ჩვენი ახალგაზრდობა მზად არის. 2008 წლის აგვისტოში რიგები დადგა", — განაცხადა მან.

დღეს, 5 სექტემბერს, პარლამენტში პროგრამის წარდგენისას თაცვდაცვის მინისტრობის კანდიდატმა განაცხადა, რომ გირჩის საქმიანობა, რომლითაც ახალგაზრდები ჯარს თავს აცილებენ ძირს უთხრის სახელმწიფოს. მან იუსტიციის მინისტრობის კანდიდატს, თეა წულუკიანს მიმართა და იმედი გამოთქვა, რომ მასთან ერთად სამხედრო სავალდებულო სამსახურის საკითხს დაარეგულირებს.

პასუხად ჯაფარიძემ ღარიბაშვილს მიმართა: შენ და მეორე ირაკლიმ [სესიაშვილმა], რომელიც, ასევე, ვითომ ქვეყანაზე ზრუნავს, გადაა***თ ერთმანეთს. მაგრამ, თუ მართლა რამე ნაბიჯების გადადგმას აპირებ, რომ ახალგაზრდები ისევ მონებად აქციო — ასავალ-დასავალში გახვეულს დაგტოვებთ თავდაცვის სამინისტროს სადარბაზოს შესასვლეთან".

ამავე თემაზე: