დღეს, 5 მაისს, თურქეთის პრემიერ მინისტრმა, აჰმედ დავუთოღლუმ თავისი გადადგომის შესახებ განაცხადა. ინფორმაციას ბი-ბი-სი ავრცელებს.

პრემიერის გადაწყვეტილებას წინ უძღოდა მისი კონფლიქტი და წინა დღეს დახურულ კარს მიღმა 2 საათიანი შეხვედრა თურქეთის პრეზიდენტ რეჯეპ ტაიპ ერდოღანთან, თუმცა სიტყვის წარმოთქმისას მან აღნიშნა, რომ პრეზიდენტის მიმართ ბრაზი არ აქვს.

დავუთოღლუმ განცხადების დროს დაადასტურა, რომ ის ოფიციალურად 22 მაისს პარტიის ყრილობაზე გადადგება. ამავე დღეს კონგრესი ახალ პრემიერს აირჩევს.

თანამდებობის დატოვების შემდეგ დავუთოღლუ პარტიაში კანონმდებლად დარჩება. პრემიერმა აღნიშნა, რომ ეცდება თურქეთის სამართლიანობისა და განვითარების პარტია არ დაიშალოს.

აჰმედ დავუთოღლუ თურქეთის პრემიერ მინისტრის თანამდებობაზე 2014 წლიდან 28 აგვისტოდან იმყოფება.