წისქვილი რომ ლიტერატურული ადგილია, ამაში ნებისმიერი ზღაპრის დასასრული დაგარწმუნებთ: ჭირი იქა, ლხინი აქა, ქატო იქა, ფქვილი აქა. გარდა ამისა, ამბების მოყოლას ხშირად "დაფქვასაც" უწოდებენ.

ამ თვალით თუ შევხედავთ, უცნაური სულაც არაა ის, რომ წისქვილისა და სამკითხველოს მოთავსება ერთ სივრცეში შეიძლება. დღეს ჩოხატაურში, სოფელ დაბლაციხეში, ჯაყელების საგვარეულო წისქვილში ეკვილიბრიუმმა სამკითხველო გახსნა.

ფოტო: ეკვილიბრიუმი

ფოტო: ეკვილიბრიუმი

ეს პირველი შემთხვევა არაა, როცა ეკვილიბრიუმის ფარგლებში ბიბლიოთეკა არაორდინალურ, მაგრამ სოფლისთვის ხელსაყრელ ადგილას ეწყობა. რამდენიმე თვის წინ ბაღდათის მუნიციპალიტეტის სოფელ მეორე ობჩაში სამკითხველო აბულაძეების საოჯახო მარანში მოეწყო.

ფოტო: ეკვილიბრიუმ

ეკვილიბრიუმის შესახებ

ეკვილიბრიუმი საგანმანათლებლო მოძრაობაა, რომელიც 2012 წელს დაფუძნდა. იდეის ავტორი და ინიციატორია ეროვნული ბიბლიოთეკის გენერალური დირექტორი გიორგი კეკელიძე.

საგანმანათლებლო მოძრაობის მიზანი საქართველოში წიგნიერების დონის ამაღლებაა.

მოძრაობის მხარდამჭერია გალფი. ეკვილიბრიუმის ფარგლებში წიგნები უკვე ათასზე მეტი სოფლისთვის გახდა ხელმისაწვდომი