უმაღლესი რადას ახალი მოწვევის პირველ სხდომაზე ხალხის მსახურის წევრი, პოლიტტექნოლოგი დმიტრი რაზუმკოვი სპიკერად აირჩიეს. მას პარლამენტის 382-მა დეპუტატმა დაუჭირა მხარი.

რაზუმკოვი პრეზიდენტ ვოლოდიმირ ზელენსკის საარჩევნო შტაბის თავმჯდომარე და პოლიტტექნოლოგი იყო. ზელენკის გაპრეზიდენტების შემდეგ კი პარტია ხალხის მსახურის თავმჯდომარე გახდა.

2019 წლის ივლისში უკრაინაში რადას ვადამდელი საპარლამენტო არჩევნები ჩატარდა. ხალხის მსახურმა 43,16 პროცენტით 450 მანდატიდან 254 მიიღო. უკრაინის ისტორიაში ეს პირველი შემთხვევაა, როდესაც პარტიამ ერთპარტიული მმართველობა ჩამოაყალიბა და კოალიციაში შესვლა არ მოუწია.

რადაში ხუთი ფრაქცია იქნება: ხალხის მსახური, ოპოზიციური პლატფორმა, ბატკივშინა, ევროპული სოლიდარობა და ხმა.