ნატალი პორტმანი ახალ ფილმში Lucy in the Sky-ში თამაშობს, ამ როლით ის ოსკარის მეოთხე ნომინაციას უმიზნებს. ფილმი ფსიქოლოგიური დრამაა, რომელიც ასტრონავტის გარშემო ვითარდება. რეჟისორი ნოე ჰოულია, რომლისთვისაც ეს პირველი ნამუშევარია რეჟისორის აპლუაში. ის აქამდე სერიალების Legion-ისა და Fargo-ს სცენარებს წერდა.

Lucy in the Sky ნამდვილ ამბავს ეფუძნება, რომელიც ასტრონავტ ლისა ნოვაკს და მის პარტნიორ ასტრონავტს უილიამ ოიფელინს გადახდათ თავს. ნატალი პორტმანი ფილმში ლუსი კოლას როლს ასრულებს, ასტრონავტის, რომელიც დიდი ხნის მისიის შემდეგ სახლში ბრუნდება და ხვდება, რომ ოჯახთან ახლო კავშირი დაკარგული აქვს. როდესაც მისი შეყვარებული ასტრონავტების მწვრთნელთან გააბამს რომანს, ლუსი ცდილობს რადიკალური მეთოდებით შეცვალოს სიტუაცია. ფილმში ნატალი პორტმანთან ერთად ჯონ ჰემი, დენ სტივენსი, ელენ ბარსტინი და ზეზი ბეტცი ითამაშებენ.

ფილმის პრემიერა 2019 წლის 4 ოქტომბერს არის დაგეგმილი