ესპანური კრიმინალური დრამის, ქაღალდის სახლის (La casa de papel) მსახიობი ხაიმე ლორენტე საქართველოში ჩამოდის. ის მიხეილ თუმანიშვილის სახელობის საერთაშორისო ფესტივალში მონაწილეობს.

ფესტივალის ინფორმაციით, ლორენტე კარლოტა ფერერის სპექტაკლში "ეს არ არის ბერნარდა ალბას სახლი" თამაშობს, რომელიც რუსთაველის თეატრში 23 ოქტომბერს გაიმართება.

ქაღალდის სახლი ნეტფლიქსის ყველაზე პოპულარული უცხოენოვანი სერიალია. ამ ეტაპზე მაყურებელმა სამი სეზონი იხილა, რომელშიც კრიმინალური დაჯგუფება ესპანეთის სამეფო მონეტების ზარაფხანასა და ოქროს ეროვნულ საცავს ძარცვავს.