ბათუმში ახალი სტენსილი გამოჩნდა, რომლის ავტორიც პოპულარული ქართველი ქუჩის მხატვარი გაგოშაა.

სტენსილზე ქართულ სუფრასთან შემომსხდარ მსოფლიო ღირსშესანიშნაობებს ვხედავთ. სუფრის თავში კრემლი ზის, რომელსაც სძინავს, მთაწმინდის ანძა კი ეიფელისა და პიზის კოშკთან, თავისუფლების ქანდაკებასთან, მოაის ქვის ქანდაკებებთან და სხვა ღირსშესანიშნაობებთან ერთად მშვიდობის სადღეგრძელოს სვამს.

ფოტო: Gagosh

ფოტო: Gagosh

სტენსილი ბათუმში გუშინ გამოჩნდა. მისი საშუალებით, მხატვარი ონლაინ კამპანია #SpendYourSummerInGeorgia-ს ეხმაურება, რომელიც მას შემდეგ დაიწყო, რაც რუსეთის პრეზიდენტმა, პუტინმა ადგილობრივ ავიაკომპანიებს საქართველოში ფრენა აუკრძალა.