თიბისის დაფუძნებელი მამუკა ხაზარაძე აცხადებს, რომ დეზინფორმაციას უვრცელებენ და საზოგადოებას მოუწოდებს მხოლოდ მის გვერდზე გამოქვეყნებულ განცხადებებს დაეყრდნონ. ხაზარაძე არ აკონკრეტებს რა სახის დეზინფორმაციაზე საუბარი.

ბიზნესმენის თქმით, ტროლები-ბოტები და ყალბი ინფორმაციის გავრცელება ქვეყნის ერთ-ერთი მთავარი გამოწვევაა. "#ძირსსიყალბე! ქვეყანა უნდა გაიწმინდოს ტყუილისგან", — წერს ის ფესიბუქგვერდზე.

სამთავრობო ტროლები ხაზარაძისა და ჯაფარიძის წინააღმდეგ

მას შემდეგ, რაც ცნობილი გახდა, რომ პროკურატურა თიბისი ბანკის წინააღმდეგ საქმეს ფულის გათეთრების მუხლით იძიებდა ფეისბუქზე ხაზარაძისა და ბადრი ჯაფარიძის მადესკრიტიდირებელი პოსტები გამოჩნდა. ფეისბუქტროლები სხვადასხვა გვერდზე და ჯგუფებში ერთი და იმავე ფოტოებს პოსტავდნენ.

არასამთვრობო ორგანზიაცია სამართლიანი არჩევნების კვლევის მიხედვით, ეს გვერდები წინასაარჩევნო პერიოდში ნაციონალური მოძრაობისა და გრიგოლ ვაშაძის დისკრედიტაციის მიზნით აქვეყნებდნენ პოსტებს.

ტროლები ხელახლა გააქტიურდნედ, მას შედეგ, რაც ცნობილი გახდა რომ ხაზარაძემ თანამდებობა დატოვა. მედიის განვითარების ფონდმა კვლევა ჩაატარა და დაასკვნა, რომ Facebook-გვერდებს, რომლებიც მამუკა ხაზარაძის დისკრედიტაციას ეწევა, სამთავრობო ტროლი, Avtandil Kereselidze მართავს. კვლევით დადგინდა, რომ აღნიშნული პირი სოციალურ ქსელში სომხეთის მოქალაქის ფოტოებს იყენებდა. ის მართავდა რამდენიმე ფეისბუქგვერდს, რომელიც სამთავრობო მესიჯებს ატარებს და ხაზარაძის გარდა ოპოზიციის დისკრედიტაციასაც ეწევა.

გავრცელდა ხაზარაძის წერილებიც, რომლებშიც მამუკა ხაზარაძე წერს, რომ თიბისიზე კიბერთავდასხმა თბილისში, რუსთაველის 12 ნორმიდან განხორციელდა. ხაზარაძის თქმით, სავარაუდოდ, აქედან იმართებოდა ტროლების ქარხანაც.