39 წლის ლუსი აშენი უკვე 21 წელია რაც მარტოხელა მოხუცის მეზობლად ცხოვრობს. როგორც თავად ამბობს, მისთვის შოკისმომგვრელი იყო, როდესაც მასთან სტუმრობისას აღმოაჩინა, რომ მოხუცი ჯანმრთელობის მდგომარეობის გამო საკუთარი სახლის დალაგებას ვერ ახერხებდა, რის გამოც ანტისანიტარიაში უწევდა ცხოვრება.

საბოლოოდ ლუსიმ მოხუცთან 10 დღე გაატარა და სახლი დაულაგა.

ფოტო: swins.com

"ვიცოდი ჩემი მეზობელი რა მდგომარეობაშიც იყო, ისიც ვიცოდი, რომ მარტო ცხოვრობდა, თუმცა ვერც კი წარმოვიდგენდი ასეთი სავალალო სიტუაცია თუ იქნებოდა. როცა ფაქტის წინაშე დავდექი შოკი მქონდა. სწორედ ამიტო გადავწყვიტე მასთან მისვლა და სახლის საქმეებში დახმარება", ამბობს ლუსი აშენი.

ბრედა ჰოფმანი 89 წლის არის, შვილები არ ჰყავს, ხოლო მისი მეუღლე 25 წლის წინ გარდაიცვალა. დაქვრივების შემდეგ ჰოფმანი თითქმის კარჩაკეტილად ცხოვრობს და გარეთ მხოლოდ საყიდლებზე გადის. მისმა მეზობელმა კი სრულიად შემთხვევით აღმოაჩინა ბრენდას ეს მდგომარეობა.

"გვიანი იყო როდესაც ჩემს უმცროსს ვაჟს ჭამა მოუნდა, აღმოჩნდა, რომ რამდენიმე ინგრედიენტი მაკლდებოდა, სწორედ ამიტომ მეზობელს გავაკითხე, ამ დროს აღმოვაჩინე, რომ მეზობელს, რომელიც რამდენჯერმე შემხვდა კიბეზე, ჩემი დახმარება სჭირდებოდა. ძალიან მრცხვენია, რომ აქამდე მისი მდგომარეობით არ დავინტერესებულვარ. ხანდახან უფრო ფართოდ უნდა გავახილოთ თვალები", ამბობს აშენი.