შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელშვილი აცხადებს, რომ სოფელ გუგუტიანთკარში ბარიკადების მშენებლობის პროცესი შეჩერებულია.

"ეპიზოდს, რომელიც ე.წ. ბორდერიზაციასა და ბარიკადების მშენებლობას უკავშირდებოდა, ადგილი ჰქონდა 7 აგვისტოს და საქართველოს ხელისუფლების შესაბამისმა ორგანოებმა მყისიერადვე, 7 აგვისტოს შუადღეს ცხელი ხაზი რამდენჯერმე გააქტიურეს. 7 აგვისტოსვე იყო საგარეო უწყების კომუნიკაცია ჩვენს პარტნიორებთან და ალბათ იმასაც მიხვდებით, რომ ამერიკის შეერთებული შტატების სახელმწიფო დეპარტამენტის განცხადებაში უშუალოდ გუგუტიანთკარის ეპიზოდი შემთხვევით არ მოხვდებოდა და ამას გარკვეული მუშაობა უძღოდა წინ", — განაცხადა ქეთევან ციხელაშვილმა.

საოკუპაციო რეჟიმმა გუგუტიანთკარში უკანონო ბორდერიზაციის პროცესი ომის 11 წლისთავზე, 7 აგვისტოს დაიწყო.

აშშ-ის სახელმწიფო დეპარტამენტმა განცხადება გაავრცელა, რომელშიც აღნიშნა, რომ გუგუტიანთკარში რუსეთის ხელისუფლების მიერ მხარდაჭერილი უკანონო ბორდერიზაცია საფრთხეს უქმნიდა მშვიდობასა და სტაბილურობას. მათი თქმით, ეს მოვლენები ცხადყოფდა, რომ რუსეთი მუდმივად არღვევს ქართველი ხალხის უსაფრთხოებისა და საკუთრების უფლებებს.