American Crime Story-ის მესამე სეზონი ოფიციალურად წინ მიიწევს. ტელეკომპანია FX-ის სერიალი ახალ სეზონში ბილ კლინტონის იმპიჩმენტის შესახებ მოგვიყვება.

მონიკა ლევინსკის როლს ბინი ფელდსტეინი შეასრულებს, ლინდა ტრიპს კი სარა პოლსონი, ანალი ეშფორდი კი პაულა ჯონსის როლს მოირგებს. მესამე სეზონი ჯეფრი ტობინის წიგნზე - Vast Conspiracy: The Real Story of the Sex Scandal That Nearly Brought Down a President იქნება დაფუძნებული.

წარმოება 2020 წლის თებერვალში დაიწყება, პრემიერა კი ამავე წლის 27 სექტემბერს არის მოსალოდნელი. ამ ყველაფრის შესახებ განცხადება სატელევიზიო კრიტიკოსთა ასოციაცისს საზაფხულო პრეს ტურზე გაკეთდა.