"3 დღე დარჩა ჩვენი და საქართველოს გამარჯვებამდე! გილოცავთ ყველას!" - ეს განცხადება ენმ-ს ლიდერმა, დავით ბაქრაძემ პარტიის მიერ გამართულ აქციაზე გააკეთა და ნაციონალური მოძრაობის მხარდამჭერებს მიულოცა, რომ შეძლეს ურთულესი პერიოდის გავლა:

"ჩვენ შევძელით, რომ ჩვენი ქვეყანა მოვიყვანეთ გადარჩენის ზღვართან და 3 დღეში გადავლახავთ ამ ზღვარს".

ბაქრაძემ განაცხადა, რომ საქართველოში დაბრუნდა დრო, როდესაც მოქალაქეებს თავს ესხმიან და ტერორისტული აქტის გამო ისინი საავადმყოფოებში ხვდებიან. მან თანადგომა გამოუცხადა იმ ადამიანებს, ვინც გუშინ ენმ-ს ლიდერის, გივი თარგამაძის მანქანის აფეთქების შედეგად დაზარალდნენ:

"მაგრამ მინდა მკაფიოდ ვთქვა, რომ თუ ვინმეს იმედი ჰქონდა, რომ შეგვაშინებდა, დაგვაშინებდა და უკან დავიხევდით, რომ დღეს თქვენ აქ არ მოხვიდოდით და ჩვენი შეხვედრა ვერ შედგებოდა, ძალიან გავუცრუეთ ამ ადამიანებს იმედები".