იმერეთის რაიონში ადგილობრივმა ხეზე ჩამომხრჩვალი ძაღლი იპოვა და შემთხვევის ამსახველი ვიდეო და ფოტომასალა სოციალურ ქსელში გაავრცელა.

საგამოძიებო უწყებაში მომხდარის შესახებ ინფორმაციას ფლობენ. გამოძიება სისხლის სამართლის კოდექსის 259-ე მუხლით მიმდინარეობს, რაც ცხოველისადმი სასტიკ მოპყრობას გულისხმობს და ისჯება ჯარიმით ან თავისუფლების აღკვეთით ვადით ორ წლამდე.

29 მაისს საქართველოს პარლამენტმა მესამე მოსმენით დაუჭირა მხარი ცხოველებისადმი სასტიკ და არასათანადო მოპყრობაზე სასჯელის გამკაცრებას. შესაბამისი ცვლილება ადმინისტრაციულ და სისხლის სამართლის კოდექსში შევიდა. კანონით განისაზღვრა და დაზუსტდა დანაშაულებრივი ქმედებების ჩამონათვალი და შემადგენლობა.