"ჩვეულებრივი უპასუხისმგებლო პარაზიტები, რომლებიც ცდილობენ სახალხო ზეიმი ჩაშალონ", — აჭარის მთავრობის თავმჯდომარემ ბეშუმში, შუამთობის დღესასწაულის პარალელურად გამართული აქციის მონაწილეები შეურაცხმყოფელი ტერმინით მოიხსენია. მოქალაქეებმა ბეშუმში, სადაც პრემიერი მამუკა ბახტაძეც იყო, შს მინისტრის, გიორგი გახარიას გადადგომა მოითხოვეს. თორნიკე რიჟვაძის თქმით, ოპონენტებს საზეიმო განწყობის გაფუჭება სურდათ.

"მე ამ ადამიანების მიმართ ვერც პოლიტიკოსებს, ვერც ლიდერებს ვერ გამოვიყენებ. ამას დამსახურება უნდა", — ამბობს რიჟვაძე.

დღეს, 4 აგვისტოს ბეშუმში შუამთობის აღნიშვნისას მოქალაქეება და ნაციონალური მოძრაობის წევრებმა საპროტესტო აქცია გამართეს ლოზუნგით "გახარია წადი". ტერიტორიაზე გაშალეს ბანერი შს მინისტრის, გიორგი გახარიას გამოსახულებით. მათ 20 ივნისის ღამის მოვლენები გააპროტესტეს და ადგილზე მტავრობის წევრებთან გასაუბრება მოისურვეს, თუმცა ამას პოლიციასთან დაპირისპირება მოჰყვა.

შუამთობის დღესასწაულზე პრემიერ-მინისტრისა და და აჭარის მთავრობის წევრების სიტყვით გამოსვლისას საპროტესტო აქციის შეძახილები ისმოდა.